Миср Ғазо масаласида музокара ўтказиш учун Исроилга делегация жўнатди — Al Jazeera

Миср ҲАМАС билан ўт очишни тўхтатиш келишувида воситачилик қилиш умидида Исроилга юқори даражадаги делегация жўнатди. Бу ҳақда Al Jazeera нашри хабар берди.

Хабарда айтилишича, Мисрнинг олий разведка етакчиси Аббос Камел делегацияга бошчилик қилмоқда. У Исроил билан чегарада узоқ муддатли ўт очишни тўхтатиш бўйича “янгича қараш”ни илгари сурмоқда.

“Музокаралар даставвал ҲАМАС қўлидаги асирларни фаластинлик маҳбуслар билан чекланган алмашиш ва кўчирилган фаластинликларнинг муҳим қисмини Ғазо шимолидаги уйларига “минимал чекловлар билан” қайтаришга қаратилади”, — дейилган Миср ОАВлари тарқатган хабарда.

Миср расмийлари ,шунингдек, Исроилнинг Рафаҳга эҳтимолий ҳужуми минтақавий барқарорлик учун ҳалокатли оқибатларга олиб келиши мумкинлигидан огоҳлантирган. Гуманитар ҳалокат кучайишининг олдини олиш учун Тель-Авивни муросага чақирган.

Ҳозирча музокараларнинг тўлиқ тафсилотлари маълум қилинмаган. Миср вакили айтган “янгича қараш” қандай эканлиги ҳам ошкор этилмаган.