G‘azo sektorini vayronalar qoldiqlaridan tozalash va portlamay qolgan bomba va minalarni zararsizlantirish 14 yilgacha cho‘zilishi mumkin. Bu haqda Birlashgan Millatlar Tashkilotining minalar va portlovchi qurollarga qarshi xizmati yuqori martabali zobiti Pehr Lodhammarga asoslanib, Al Jazeera nashri xabar berdi.
Manbada aytilishicha, Isroilning halokatli urushi G‘azo sektorida taxminan 37 million tonna debris to‘planib qolishiga olib kelgan. Butun boshli shaharlar vayronaga aylangan.
BMTning minalar va portlovchi qurollarga qarshi xizmati yuqori martabali zobiti Pehr Lodhammar Jenevada bo‘lib o‘tgan brifingda G‘azodagi aholi zich joylashgan hududda portlamay qolgan bombalar va o‘q-dori manbalari topilganini aytgan. Hududni to‘la tozalash kamida 14 yil olishini taʼkidlagan.
“G‘azoni vayronalardan tozalash uchun kamida 100 ta yuk mashinasi 14 yil davomida ish olib borishiga to‘g‘ri kelishi mumkin”, — deyilgan BMT vakili bayonotida.
Izoh (0)