Ukraina prezidenti Vladimir Zelenskiy Rossiya bilan konfliktni hal qilish bo‘yicha muzokaralar boshlanishi mumkinligini aytdi. Bu haqda u fransiyalik bloger Gugo Traverga bergan intervyusida ma’lum qildi.
“Biz barcha muammolarni o‘z qarashlarimiz bilan hal qilish uchun hujjat tayyorlaymiz, uni dushman tomonga yetkazishda va muhokama qilishda to‘g‘ri vaqt topamiz”, — degan u.
Zelenskiy shu tariqa Shveysariyada Ukraina bo‘yicha bo‘lib o‘tadigan sammit natijalarini prognoz qildi. Shuningdek, u bugungi kunda dunyodagi vaziyat “Rossiya qo‘lida o‘ynayotgani”ni aytdi va Kiyev ruslarning kuchli tomonlarini tan olishi kerakligini ta’kidladi.
Moskva bir necha bor muzokaralarga ochiqligini bildirgan. Jumladan, Rossiya Ukrainaning bosib olingan hududlarini, yaʼni Lugansk, Donetsk, Zaporojye va Xerson viloyatlarini, shuningdek, Qrimni o‘ziniki deb tan olishni xohlaydi. Ukraina o‘z talablari orasida sanab o‘tilgan barcha viloyatlar Ukraina tarkibiga kirishini ta’kidlab, hududiy yon bosish variantini rad etadi.
Shveysariya rasmiylari 2024-yil Ukrainadagi urush yuzasidan 80 dan 100 tagacha bo‘lgan davlat ishtirokida tinchlik konferensiyasi o‘tkazishni rejalashtirmoqda. Shveysariya tashqi ishlar vaziri Inyatsio Kassis sammitga Rossiyani chaqirishni taklif qildi, biroq Ukraina bunga qarshi.
Izoh (0)