“Ғазодаги вайроналарни тозалаш учун 14 йил керак бўлади” — БМТ вакили

Ғазо секторини вайроналар қолдиқларидан тозалаш ва портламай қолган бомба ва миналарни зарарсизлантириш 14 йилгача чўзилиши мумкин. Бу ҳақда Бирлашган Миллатлар Ташкилотининг миналар ва портловчи қуролларга қарши хизмати юқори мартабали зобити Пеҳр Лодҳаммарга асосланиб, Al Jazeera нашри хабар берди. 

Манбада айтилишича, Исроилнинг ҳалокатли уруши Ғазо секторида тахминан 37 миллион тонна дебрис тўпланиб қолишига олиб келган. Бутун бошли шаҳарлар вайронага айланган.

БМТнинг миналар ва портловчи қуролларга қарши хизмати юқори мартабали зобити Пеҳр Лодҳаммар Женевада бўлиб ўтган брифингда Ғазодаги аҳоли зич жойлашган ҳудудда портламай қолган бомбалар ва ўқ-дори манбалари топилганини айтган. Ҳудудни тўла тозалаш камида 14 йил олишини таъкидлаган.

“Ғазони вайроналардан тозалаш учун камида 100 та юк машинаси 14 йил давомида иш олиб боришига тўғри келиши мумкин”, — дейилган БМТ вакили баёнотида.