Lamin Yamal “El-klasiko”ning eng yaxshi futbolchisi deb topildi.
La Liganing 32-turida “Real Madrid” Santyago Bernabeu stadionida “Barselona”ni mag‘lub etdi (3:2). Lamin Yamal La Liga tomonidan uchrashuvning eng yaxshi futbolchisi deb topildi.
21-aprel kuni bo‘lib o‘tgan o‘yinda “Barselona”ning 17 yoshli vingeri 90 daqiqa maydonda harakat qildi. Yamal 70-daqiqada Fermin Lopesning goliga olib kelgan hujumda asosiy to‘p uzatishni tamalga oshirdi. Shuningdek, 1-bo‘limda qanot yarim himoyachisining zarbasidan so‘ng to‘p Andrey Lunin darvozasiga yo‘l olishi mumkin edi, biroq hakam Sezar Soto Grado VAR bilan maslahatlashganidan so‘ng epizodni gol deb tan olmadi.
Ushbu g‘alabadan so‘ng “Real Madrid” jamoasi “Barselona” jamoasi bilan farqni 11 ochkoga yetkazib, chempionlikni qo‘lga kiritishga yaqin turibdi.
Izoh (0)