Futbol bo‘yicha Angliya Kubogining yarim final bahsi bo‘lib o‘tdi. Unda “Manchester Yunayted” va “Koventri” jamoalari 21-aprel, yakshanba kuni o‘zaro bahs olib bordi.
Uchrashuvning 23-daqiqasida mankunianliklar futbolchisi Skot Maktomini hisobni ochdi. Birinchi bo‘lim so‘ngida Harri Maguayr hisobni ishonchli ko‘rinishga olib keldi.
Ikkinchi bo‘limda ham “qizil iblislar” ustunlik qildi va 58-daqiqada uchinchi bor raqib darvozasini ishg‘ol qildi. Bu safar Brunu Fernandesh gol muallifiga aylandi. 71-daqiqada Simms hisobni qisqartirdi. 79-daqiqada O‘Hare “Koventri”ning ikkinchi goliga mualliflik qildi. 90+5-daqiqada esa Rayt penaltini aniq amalga oshirib, hisobni tenglashtirdi.
Shu tariqa jamoalar qo‘shimcha bo‘limlarga yo‘l oldi. Qo‘shimcha bo‘limlarda darvozalar daxlsizligi saqlanib qoldi va g‘olib nomi penaltilarda aniqlanadigan bo‘ldi.
Penaltilar seriyasida esa “Manchester Yunayted” 4:2 hisobida zafar quchib, finalga yo‘l oldi.
“Manchester Yunayted” 25-may kuni finalda “Manchester Siti”ga qarshi bahs olib boradi.
Angliya Kubogi
Yarim final bahsi
21-aprel, shanba
“Koventri” — “Manchester Yunayted” 3:3
Gollar: 0:1 – 23 Maktominey, 0:2 – 45+1 Maguayr, 0:3 – 58 Brunu Fernandesh, 1:3 – 71 Simms, 2:3 – 79 O‘Hare, 3:3 – 90+5 Rayt (penalti).
“Koventri”: Kollinz, van Eveyk, Latiboder (Tavaresh, 63; Godden, 105), Kitching (Binks, 63), Tomas, Biduell (Dasilva, 80), Shif, O‘Hare, Ekklz (Torp, 63), Rayt, Simms.
“Manchester Yunayted”: Onana, Diogu Dalot, Maguayr, Kazemiro, Uan-Bissaka, Brunu Fernandesh, Maktominey (Forson, 103), Maynu (Eriksen, 72), Garnacho (Antoni, 66), Reshford (Diallo, 90), Heylund.
Ogohlantirishlar: Onana (1), Kollinz (1), Tomas (82), Dasilva (111).
Izoh (0)