“Barselona”ning sobiq direktori Xavyer Bordas Kilian Mbappe 2017-yilda kataloniyaliklar safiga o‘tishi mumkin bo‘lgani haqida gapirdi.
O‘sha vaqtda “ko‘k-anorranglilar” Neymarni “PSJ”ga 222 million yevro evaziga qo‘yib yuborgan ularning Mbappeni sotib olish uchun puli bo‘lgan. Natijada klub “Borussiya D” futbolchisi Usmon Dembelega e’tiborini qaratgan va unga 135 million yevro to‘lagan.
“Agar men qaror qabul qilganimda Kilian “Barsa”da o‘ynardi. Neymarni sotganimizda, uni sotib olish uchun pul bor edi. Biroq, rahbariyat Dembele variantini tanladi.
Men Mbappening otasi bilan gaplashgandim, hammasi deyarli hal bo‘lgandi. Bir lahza bu transferni amalga oshirdik deb o‘ylagandim”, — deydi Bordas.
Kilian Mbappe hozirda “PSJ” futbolchisi va uning keyingi mavsum qaysi jamoada to‘p surishi noma’lum. Futbolchining parijliklar bilan amaldagi shartnomasi mavsum yakunida o‘z nihoyasiga yetadi. Katta ehtimol bilan Kilian Madridning “Real” klubiga o‘tishi mumkin.
Izoh (0)