“Barselona yaxshiroq o‘ynadi va g‘alabaga haqli edi” — Xavi

“Barselona” bosh murabbiyi Xavi La Liganing 32-turidan o‘rin olgan “Real” (2:3) bilan o‘yindan so‘ng o‘z fikrlarini bildirib o‘tdi.

Jamoam bilan faxrlanaman. O‘ylashimcha, biz yaxshiroq o‘ynadik va kurashdik. Ko‘proq vaziyatlar yaratib, yaxshi himoyalandik. O‘yinni nazorat qildik va g‘alabaga haqli edik.

Endi faqat ikkinchi o‘rin haqida o‘ylashimiz mumkin. Menda hozir tushunarsiz hissiyotlar bor. Ushbu o‘yinda bizning g‘alabamiz mantiqiy yakun bo‘lardi. Lekin o‘zimizda ham, hakam ishida ham ba’zi jihatlar borki, ularni nazorat qila olmaymiz.

Bahsli vaziyat? Juda xafaman. To‘p darvozaga kirganini hamma ko‘rdi. 

Mavsum boshida “Xetafe” bilan o‘yindan keyin ham, o‘yinning borishi menga yoqmayotganini aytgan edim. Bugun ham to‘liq mantiqsizlik bo‘ldi, — dedi kataloniyaliklar ustozi Xavi.

Ma’lumot uchun, bellashuvni Sesar Soto Grado boshchiligidagi hakamlar brigadasi boshqarib bordi.

“Barselona” klubi La Liga doirasidagi keyingi uchrashuvni Valensiyaga qarshi o‘tkazadi. Uchrashuv 30-aprel sanasida bo‘lib o‘tadi.