Toshkent viloyatining Parkent tumanida Damas va Lacetti ishtirokidagi YTH videosi ijtimoiy tarmoqlarda tarqalgandi. Viloyat IIBB Yo‘l harakati xavfsizligi boshqarmasi holat yuzasidan ma’lumot berdi.
Unda aytilishicha, hodisa 2-aprel kuni soat taxminan 05:45 larda Toshkent viloyati Parkent tumani hududidan o‘tgan 4R15 Qiziltog‘—Parkent—Yangibozor avtomobil yo‘lining 60-kilometrida sodir bo‘lgan.
1978-yilda tug‘ilgan Parkent tumanida yashovchi haydovchi R.Q. boshqaruvidagi Damas ikkinchi darajali yo‘ldan chiqib, asosiy yo‘lga qo‘shilayotgan vaqtida asosiy yo‘ldan harakatlanib kelayotgan Parkent tumanida yashovchi 2001-yilda tug‘ilgan haydovchi E.J. boshqaruvidagi Lacetti tomonidan urib yuborilgan.
Natijada ikkala haydovchi olgan tan jarohatlari sababli tuman markaziy shifoxonasiga yotqizilgan.
Hozirda holat yuzasidan Parkent tumani IIB Tergov bo‘limi tomonidan tergovga qadar surishtiruv ishlari olib borilmoqda.
Izoh (0)