Toshkentda 21 yoshli haydovchi boshqaruvidagi Lacetti yo‘l inshootiga borib urildi

Toshkent shahar IIBB Yo‘l harakati xavfsizligi boshqarmasi Mirzo Ulug‘bek tumanida sodir bo‘lgan yo‘l-transport hodisasi bo‘yicha ma’lumot berdi.

Qayd etilishicha, 9-aprel kuni soat 22:50 larda Mirzo Ulug‘bek tumani Parkent ko‘chasi ikkinchi darajali yo‘lida 21 yoshli haydovchi SH.F. Lacetti rusumli avtomashinasini boshqarib kelayotib rul boshqaruvini yo‘qotgan va yo‘l inshootiga to‘qnashib, yo‘l transport hodisasi sodir etgan.

YTH natijasida tan jarohati olganlar yo‘q. Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.

Bundan oldin Toshkent shahar Shayxontohur tumanida ikki avtomashina ishtirokida yo‘l-transport hodisasi sodir bo‘lgani, Andijon viloyati Oltinko‘l tumanida Malibu va Nexia to‘qnashib ketgani to‘g‘risida xabar berilgandi.