Samarqand va Qashqadaryo viloyatlarida bugun, 13-aprel kuni kuchli yog‘ingarchilik oqibatida sel hodisalari kuzatilmoqda.
Jumladan, Samarqand shahri ko‘chalarida yo‘llar, shuningdek, Qashqadaryoning Kitob tumanidagi qishloqlarda sel hodisalari kuzatilmoqda. Bundan tashqari, Surxondaryo viloyati Boysun tumani markaziy hududlarida kuchli jala va do‘l yog‘ayotgani aytilmoqda.
Shu bilan birga, Toshkent—Qarshi avtomobil yo‘lida ham sel hodisasi kuzatilmoqda.
Avvalroq “O‘zgidromet” 12—15-aprel kunlari baʼzi joylarda kuchli yomg‘ir yog‘ishi, shu bois 9 ta viloyatda sel-suv toshqini xavfidan ogohlantirgan edi.
“Tog‘oldi va tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rishlarini so‘raymiz”, — deyilgan edi xabarda.
Shuningdek, respublika hududi bo‘yicha yomg‘ir suvlari to‘planishi ehtimoli bor, bu esa hududlarni suv bosishiga olib kelishi mumkinligi aytilgan.
Izoh (0)