Finlyandiya o‘z hududida NATO qo‘shinlarini joylashtirish imkoniyatlarini o‘rganmoqda

Finlyandiya o‘z hududida NATO qo‘shinlarini joylashtirish imkoniyatlarini o‘rganmoqda, deydi Finlyandiya mudofaa kuchlarining yangi qo‘mondoni, general-leytenant Yanne Yaakkola jurnalistlarga. 

Bizda bu borada hech qanday qaror yo‘q, lekin turli variantlarni ko‘rib chiqmoqdamiz: kengaytirilgan o‘quv mashg‘ulotlari, rotatsiya modeli yoki boshqa faoliyatlar, — dedi u. Finlyandiya nisbatan kuchli mudofaa qobiliyatiga ega va hozirda qo‘shinlarga shoshilinch ehtiyoj yo‘q. Lekin NATO askarlarini joylashtirish variantini ham istisno qilmaymiz, — deya qo‘shimcha qildi u.

Yaakkolaning ta’kidlashicha, hozir NATO qo‘mondonlik tuzilmasini qanday tashkil etishi va ittifoqchi kuchlar Finlyandiyada qanday harakat qilishi haqida rejalar ishlab chiqilmoqda. Shu munosabat bilan Finlyandiyada NATOning boshqa davlatlaridan qo‘shinlar bo‘lishi kerakmi, degan savol ko‘rib chiqilmoqda. Bu mavzudagi munozarada qo‘mondonlik tuzilmasi va NATO shimoldagi amaliyotlarga qanday tayyorgarlik ko‘rayotganiga e’tibor qaratiladi.

Finlyandiya NATOga aʼzo boshqa davlatlarning doimiy qo‘shinlariga ega bo‘lmagan yagona davlatdir. Hozircha u boshqa davlatlardan doimiy qo‘shinlar yuborish haqida so‘rov bilan chiqmagan.