Endi Finlandiya birlashgan hukumati partiyalarining hammasiga ayollar rahbarlik qiladi.
TJournal Finlandiyada hukumat rahbariga aylangan 34 yoshli Tranposrt va kommunikatsiyalar vaziri Sanna Marin haqida qiziqarli ma’lumotlarni to‘plagan.
Marin Sotsial-demokratik partiya ya’ni hukmron guruh tomonidan Antti Rinne pochta xodilari uyushtirgan norozilik namoyishlar oqibatida iste’foga ketganidan keyin ichki ovoz berish yo‘li bilan bosh vazir lavozimiga saylandi.
Marin butun dunyoda eng yosh bosh vazir bo‘lgan ayol sifatida tarixga kirdi. U siyosiy faoliyatini ancha erta boshlagan. 33 yoshida vazir darajasigacha ko‘tarildi.
Sanna Mirella Marin Finlandiya janubidagi Tampere universitetini tamomlagan. U oliygohni ma’muriy huquq, munitsipial va hududiy boshqaruv yo‘nalishida tehsil olgan. 2010-yilda Marin Sotsial-demokratik yoshlar assotsiasiyasining vitse prezidenti bo‘ldi. 2012-yilda Tamperedagi shahar kengashiga saylandi va 27 yoshida ushbu kengashga raislik qildi.
Marin partiya pillapoyalaridan yuqori mansablarni egallashda davom etdi. 2014-yilda SDP rahbariyati a’zosi bo‘ldi va 2015-yilda parlament saylovlarida qozonilgan g‘alabaga munosib ulush qo‘shdi.
Yoshim va ayol ekanim borasida hech qachon o‘ylamaganman. Siyosatga kelishim sabablari haqida bosh qotirib, elektorat ishonchini qozonishimizga turtki bo‘lgan omillar xususida fikr yuritaman.Sanna Mirella Marin, Finlandiya bosh vaziri.
2019-yil iyunida 33 yoshli Marin transport va kommunikatsiyalar vaziri lavozimiga tayinlandi. U temir yo‘llar xabarnomasini moliyalashtirish, evtanaziyani legallashtirish, bepul tibbiyot hamda ijtimoiy xizmatlarni takomillashtirish, shuningdek, delfinariylarni yopish, ekologiya masalalari va ishchilarning huquqlarini himoya qilish tarafdori bo‘ldi.
Marin Tampereda turmush o‘rtog‘i Markus Raykonen bilan birga yashaydi. 2018-yil yanvarida qizi Emma dunyoga kelgan. Marin insonlar huquq va erkinliklarini dunyodagi eng oliy qadriyat deb hisoblaydi.
Sanna Marin Finlandiyada bosh vazir lavozimini egallagan uchinchi ayol. Marin Sotsial-demokratik partiya rahbari, koalitsiyadagi boshqa partiyalarda 32 yoshli Li Anderson “Chap Alyans”, 34 yoshli Mariya Oxisalo “Yashil liga”, 32 yoshli Katri Kulmuni “Markazlashgan partiya” hamda 55 yoshli Anna-Mayya Xenriksson “Shved milliy partiyasi”da ayol rahbarlar hisoblanadi.
Izoh (0)