Pokistonda sodir bo‘lgan yirik yo‘l-transport hodisasi oqibatida kamida 17 nafar ziyoratchi halok bo‘ldi, 41 nafari jarohatlandi. Bu haqda Pokiston mahalliy OAV xabar berdi.
Unga ko‘ra, ziyoratchilar Pokiston janubi-g‘arbidagi ziyoratgohga ketayotgan bo‘lgan. Baxtsiz hodisa 10-aprel, chorshanba kuni kechqurun Balujistonning Hub tumanida yuz bergan. Haydovchi boshqaruvni yo‘qotishi oqibatida avtobus jarlikka qulagan.
Jarohat olganlar zudlik bilan kasalxonaga yotqizilgan.
8-aprel kuni Rossiyaning Samara viloyatida O‘zbekiston fuqarolarini olib ketayotgan avtobus YTHga uchrashi oqibatida 2 kishi halok bo‘lgani xabar qilingandi.
Dastlabki ma’lumotlarga ko‘ra, hodisa oqibatida ikki yo‘lovchi voqea joyida halok bo‘lgan, yana 10 kishi kasalxonaga yotqizilgan.
Izoh (0)