G‘azo aholisi hayit bayramini qanday nishonladi? (foto)

Butun dunyo musulmonlari bayramni nishonlash va yaratganga hamd aytish uchun Ramazon hayitiga yig‘ilardi. G‘azoliklar ham odatda bu kunni oila davrasida taomlarni baham ko‘rish orqali nishonlardi...

Ammo bu yil anklavdagi uylar vayronaga aylangan va G‘azodagi 2,2 million kishining hammasi ham taomlanish uchun oziq-ovqatga ega emas. BMTning o‘tgan oydagi hisobotiga ko‘ra, aholining yarmi ocharchilik yoqasida.

Anklavdagi Sog‘liqni saqlash vazirligi ma’lumotlariga ko‘ra, Isroilning G‘azodagi urushi oqibatida 33,400 dan ortiq falastinlik halok bo‘lgan, ularning aksariyati ayollar va bolalardir. 76 mingdan ortiq odam jarohat olgan.

Bu yilgi hayitda hech qanday quvonch ham, zavq ham yo‘q. Bolalar bugungi hayit bayramida ota-onalarisiz uyg‘onadi. Farzandlarimizga shirinlik pishirib, xursand qilishga, atrofimizdagilarni xursand qilishga, hayit hidini eslatishga harakat qilyapmiz. Bolalarga bundan boshqa beradigan hech narsamiz yo‘q,— deydi falastinlik Ahlam Solih ismli ayol BBC bilan suhbatda.

Ehtimol bu ko‘pchilik g‘azoliklarning bir umr yodida qoladigan hayit bayramidir.

Hayitning yaqqol ko‘zga tashlanadigan an’analaridan biri — bu vafot etganlarni xotirlashdir. Dayr al-Balohda motam tutgan ayollar bayramni urushda halok bo‘lgan eri va o‘g‘illari yotgan yangi qazilgan tuproq atrofida nishonladi.

O‘tgan bayramda ular meni ko‘rgani kelgandi, bu safar men ularning oldiga keldim. Kuyovim, qizim va nabiramni, butun oilani ko‘rish uchun. Nima ham deyman? Men oilamni ko‘rgani keldim. Bu yerda o‘n bir kishi bor, — deydi Tahani Abu Evili ismli falastinlik ayol qabrlarga ishora qilib.

G‘azodan Rafahga ko‘chirilgan Mostafa Alhelou, u va boshqa musulmonlar Isroil bombardimonlari oqibatida vayron bo‘lgan Al-Farouq masjidida namoz o‘qishini ta’kidladi.

Umid qilamanki, keyingi hayit bayramini G‘azo shahrida nishonlaymiz va namoz o‘qishga odatlangan masjidlarimiz ichida namoz o‘qiymiz, — dedi Alhelou.