Qashqadaryo viloyatida 10-aprel kuni 3,8 magnitudali zilzila sodir bo‘ldi. Bu haqda FVV Seysmoprognostik monitoring markazi xabar berdi.
O‘zbekiston hududida mahalliy vaqt bilan soat 18:08 da zilzila qayd etildi. Epitsentr: Qashqadaryo viloyati, Mirishkor tumani. Zilzila koordinatalari: 38,75 gradus shimoliy kenglik; 64,9 gradus sharqiy uzunlik. Magnituda 3,8, chuqurlik 15 kilometrni tashkil etadi. Zilzila epitsentri Toshkentdan 462 km janubi-g‘arbda joylashgan.
O‘zbekiston hududida sezilish kuchi:
- Mirishkor tumanida 3 ball, 9 km.
Avvalroq Qozog‘istonda 5-aprel kuni sodir bo‘lgan zilzila kuchi O‘zbekiston hududida sezilgandi. Jumladan Zangiota, Uchtepa va Olmazor tumanida 2 balli zilzila qayd etilgan. 4-aprel kuni Qirg‘izistonda sodir bo‘lgan 4 balli zilzila ham O‘zbekistonda sezilgandi: Yangiqo‘rg‘on va Chortoq tumanida yer silkinishi 2 ballni tashkil etgan.
Izoh (0)