Қашқадарёда 3,8 магнитудали зилзила содир бўлди

Қашқадарё вилоятида 10 апрель куни 3,8 магнитудали зилзила содир бўлди. Бу ҳақда ФВВ Сейсмопрогностик мониторинг маркази хабар берди.

Ўзбекистон ҳудудида маҳаллий вақт билан соат 18:08 да зилзила қайд этилди. Эпицентр: Қашқадарё вилояти, Миришкор тумани. Зилзила координаталари: 38,75 градус шимолий кенглик; 64,9 градус шарқий узунлик. Магнитуда 3,8, чуқурлик 15 километрни ташкил этади. Зилзила эпицентри Тошкентдан 462 км жануби-ғарбда жойлашган.

Ўзбекистон ҳудудида сезилиш кучи:

• Миришкор туманида 3 балл, 9 км.

Аввалроқ Қозоғистонда 5 апрель куни содир бўлган зилзила кучи Ўзбекистон ҳудудида сезилганди. Жумладан Зангиота, Учтепа ва Олмазор туманида 2 балли зилзила қайд этилган. 4 апрель куни Қирғизистонда содир бўлган 4 балли зилзила ҳам Ўзбекистонда сезилганди: Янгиқўрғон ва Чортоқ туманида ер силкиниши 2 баллни ташкил этган.