O‘zbekistonda 2024-yilning yanvar–mart oylarida tez yordam xizmatiga jami 3 million 111 ming 148 ta murojaat kelib tushdi. Bu haqda Respublika tez tibbiy yordam markazi direktori Abduvoitjon Gafurov ma’lum qildi.
Qayd etilishicha, bajarilgan chaqiruvlarning aksariyati, yaʼni 2 million 205 ming 296 tasi shoshilinch ko‘rsatma bilan, shuningdek, surunkali kasalliklar — 812 ming 247 ta va tug‘uruqlar — 19 ming 114 tani tashkil qildi.
Eng ko‘p murojaatlar:
- Toshkent shahri — 330 919 ta;
- Farg‘ona viloyati — 326 436 ta;
- Andijon viloyati — 300 279 ta;
- Toshkent viloyati — 289 533 ta;
- Namangan viloyati — 271 791 ta qayd etilgan.
Tez yordam xizmatiga eng kam chaqiriq Navoiy viloyati (90 434 ta), Sirdaryo viloyati (107 180 ta), Jizzax viloyati (116 878 ta) va Buxoro viloyatida (150 852 ta) hamda Qoraqalpog‘iston Respublikasida (156 015 ta) kuzatildi.
O‘zbekistonda 2023-yilning o‘tgan uch oyi davomida tez yordam xizmatiga 3 milliondan ortiq chaqiriq kelib tushgan edi. O‘tgan yil davomida tez yordam xizmatiga jami 3,5 mingdan ortiq yolg‘on chaqiriq kelib tushgan.
Izoh (0)