“Turmush o‘rtog‘imning jigarini tezda operatsiya qildirishimiz kerak” — chinozlik ayol Hindistonda davolanayotgan turmush o‘rtog‘i uchun xalqdan yordam so‘radi (video)

“Mehridaryo” loyihasiga Toshkent viloyati Chinoz tumanida yashovchi Barno Tugalova murojaat qilib, turmush o‘rtog‘ining operatsiyasi uchun xalqdan yordam so‘radi.

— Turmush o‘rtog‘im Dilmurod Tugalovda jigar sirrozi kasalligi aniqlanganiga ko‘p vaqt bo‘lgani yo‘q. Hozirda jigarning bor-yo‘g‘i uch foizi ishlaydi. Turmush o‘rtog‘imga uchinchi darajadagi kasallik tashxisi qo‘yildi va zudlik bilan Hindistonda operatsiya qildirish kerakligi aytildi.

Agar donor bilan borilsa, Hindistondagi operatsiya xarajatlari 22 ming AQSH dollari bo‘lar ekan. Jiyanimizning qon tahlillari mos kelganidan keyin donor va bor pulimiz bilan safarga borishga qaror qildik. Agar jigarning qolgan uch foizi ham qotib qolsa, turmush o‘rtog‘imning ahvoli yanada og‘irlashadi. Qo‘limizda 10 ming AQSH dollari bor.

Turmush o‘rtog‘im bilan uch nafar farzandni tarbiyalaymiz, ularning bari maktab yoshida. O‘zim shahar kasalxonasida farrosh bo‘lib ishlayman. Qarindosh, mahalla-ko‘y yordam berishdi, ammo bizning sharoitimizda 22 ming AQSH dollari topish imkonsiz. Shu bois xalqdan yordam so‘rashga majbur bo‘lyapman.

Dilmurod Tugalovga xayriya qilishni istasangiz,

5614 6818 1469 3382 (Tugalova Barno)

Murojaat uchun: +99893) 057-75-15