“Mehridaryo” loyihasiga Surxondaryo viloyati Jarqo‘rg‘on tumanida yashovchi Sabohat Ro‘ziyeva murojaat qilib, ayni paytda Hindistonda davolanayotgan farzandi uchun xalqdan yordam so‘radi.
— O‘g‘lim Muhammadjon Abdurasulov 2018-yilda tug‘ilgan. Yetti oydan buyon oqqon kasalligi bilan kurashib kelyapti. Bu kasallik aniqlanganidan keyin Toshkentdagi Respublika milliy tibbiyot markazida davolatdik. U yerda besh oy kimyoterapiya muolajalarini oldik, ammo saraton hujayralari yanada rivojlanib ketdi. Shundan keyin shifokorlar tavsiyasi bilan o‘g‘limni Hindistonga olib keldik. “Kimyoterapiyaning foydasi yo‘q, faqatgina ilik ko‘chirish amaliyotini o‘tkazish kerak”, deyishdi. Davolanish jarayonida sarmoyamiz tugab bo‘lgandi, yaxshi insonlarning yordami bilan bolamni Hindistonga olib keldik. Bir yarim yashar singlisidan ilik olib, o‘g‘limga o‘tkazishdi. Ilik yangi organizmda ishlab ketishi uchun ko‘p vaqt va muolajalar talab etilar ekan. Mana, bir necha oydan buyon Hindistondamiz, ijara uyda yashab, har kuni o‘g‘limni klinika ko‘rigiga olib boraman. Musofir yurtda ko‘rmagan qiyinchiligim qolmadi. Musofir bo‘la turib davo istash juda qiyin ekan, nima qilay, boshqa choram yo‘q. Yaxshi insonlar, bizga yordam beringlar, — deydi bemorning onasi Sabohat Ro‘ziyeva.
Muhammadjon Abdurasulovga xayriya qilishni istasangiz,
5614 6887 0281 4491 Khimmatov Elyor (otasi)
Murojaat uchun: +99893 221-08-97
Izoh (0)