Ayni damda Hindistonning Dehli shahridagi klinikalarning birida farzandi Afruza Qodirovani davolatayotgan onasi Marhabo Qodirova “Mehridaryo” loyihasiga murojaat qilib, xalqdan yordam so‘radi.
— Qizim Afruzaxon Abdujalil qizi 2022-yili dunyoga kelgan. Sog‘lom bola edi. 2023-yilning yoz oyidan boshlab qorni shishib, tobi qochdi. Qisqa vaqtda qorin sohasidagi tomirlari bo‘rtib tashqi tomonga chiqib ketdi. Ko‘plab shifokorlarga uchradik, tomir kasalliklari bo‘yicha bir necha bor davolandik. Ammo kasalligi kundan-kunga zo‘rayib ketaverdi. Noyabr oyida qornida xafli o‘simta borligi aniqlandi. Shundan keyin onkologiya bo‘yicha davolatishni boshladik, bir kurs kimyo terapiya muolajalarini oldi. Ammo hech qanday natija bo‘lgani yo‘q. Shundan keyin xalqning yordamida uni Hindistonga olib keldik. Bu yerlik shifokorlar qizimda oqqonning eng og‘ir turi borligini aniqladi. Bolam ayni kunda kimyo terapiya muolajalarini olmoqda. Agar natija bermasa, jarrohlik amaliyotini ham o‘tkazish kerakligini aytishyapti. 20 AQSH dollari bilan Hindistonga kelgandik, bir necha oydan buyon shu yerda yashab, davolatyapmiz. Dori-darmonlari juda qimmat. Besh oylik muolaja uchun 45-50 ming AQSH dollari kerakligini aytishyapti. Ota-ona sifatida qo‘limizdan kelganini qilyapmiz, ammo moddiy tomondan ancha qiynalib qoldik. Shu bois, xalqdan yordam so‘rashga majbur bo‘ldik. Hech kimning farzandi og‘rimasin, hech bir inson musofir yurtda qiynalmasin, — deydi bemorning onasi Marhabo Qodirova.
Afruza Qodirovaga xayriya qilishni istasangiz,
8600 1204 7583 4035 (Qodirov Abdujalil)
Murojaat uchun: +99891) 123-05-70 (buvisining raqami)
Izoh (0)