“Турмуш ўртоғимнинг жигарини тезда операция қилдиришимиз керак” — чинозлик аёл Ҳиндистонда даволанаётган турмуш ўртоғи учун халқдан ёрдам сўради (видео)

“Меҳридарё” лойиҳасига Тошкент вилояти Чиноз туманида яшовчи Барно Тугалова мурожаат қилиб, турмуш ўртоғининг операцияси учун халқдан ёрдам сўради.

— Турмуш ўртоғим Дилмурод Тугаловда жигар циррози касаллиги аниқланганига кўп вақт бўлгани йўқ. Ҳозирда жигарнинг бор-йўғи уч фоизи ишлайди. Турмуш ўртоғимга учинчи даражадаги касаллик ташхиси қўйилди ва зудлик билан Ҳиндистонда операция қилдириш кераклиги айтилди.

Агар донор билан борилса, Ҳиндистондаги операция харажатлари 22 минг АҚШ доллари бўлар экан. Жиянимизнинг қон таҳлиллари мос келганидан кейин донор ва бор пулимиз билан сафарга боришга қарор қилдик. Агар жигарнинг қолган уч фоизи ҳам қотиб қолса, турмуш ўртоғимнинг аҳволи янада оғирлашади. Қўлимизда 10 минг АҚШ доллари бор.

Турмуш ўртоғим билан уч нафар фарзандни тарбиялаймиз, уларнинг бари мактаб ёшида. Ўзим шаҳар касалхонасида фаррош бўлиб ишлайман. Қариндош, маҳалла-кўй ёрдам беришди, аммо бизнинг шароитимизда 22 минг АҚШ доллари топиш имконсиз. Шу боис халқдан ёрдам сўрашга мажбур бўляпман.

Дилмурод Тугаловга хайрия қилишни истасангиз,

5614 6818 1469 3382 (Тугалова Барно)

Мурожаат учун: +99893) 057-75-15