“Mehridaryo” loyihasiga Toshkent viloyatida yashovchi Muborak Komilova murojaat qilib, o‘zi va turmush o‘rtog‘ining davolanishi uchun xalqdan yordam so‘radi.
— Ikki yil oldin infarkt bo‘ldim. Qon bosimim tinimsiz oshavergach, tekshirtirsam, bo‘ynimdagi asosiy tomir yaxshi ishlamayotgan ekan. Shifokorlar jarrohlik yo‘li bilan davolash kerakligini aytishyapti. Bundan tashqari, ikki yildan buyon bachadon saratonidan tuzalish uchun ham muolaja olaman. O‘simta rivojlanib ketmasligi uchun tinimsiz davolanib turishim, kimyoterapiya muolajalarini olishim kerak. Peshona ekan, turmush o‘rtog‘im avtohalokatga uchragandan so‘ng o‘ng qo‘li ishlamay qoldi.
Shukrki, ikkita qizim bor. Kenja qizim biz bilan yashaydi. U ham bog‘chada oddiy xodim bo‘lib ishlaydi, bemor ota-onasini davolatishga imkoniyati bo‘lmayapti. Tinimsiz oshadigan qon bosimi va nafas yetishmovchiligi meni qiynab qo‘ydi. Operatsiya narxi 10 million so‘m bo‘lar ekan. Uyimizda sotish uchun qo‘lga ilinarli narsa qolmagan. Hech kimdan yashirmayman, ikki yil ichida davolanish uchun bor imkoniyatni ishga soldik. Bor umidim operatsiyadan bo‘lgani uchun xalqdan yordam so‘rashga majbur bo‘ldim. Yaxshi insonlar, qizlarim va nabiralarim baxtiga sog‘ayib ketishim uchun qo‘ldan kelgancha yordam bering, — deydi Muborak Komilova.
Oilaga xayriya qilishni istasangiz,
8600 0529 8594 6712 Xoliqova Mohira (qizi)
Murojaat uchun: +99897 709-66-68
Izoh (0)