“O‘g‘limni zudlik bilan Hindistonda operatsiya qilish kerak” — farg‘onalik ota-ona farzandi uchun xalqdan yordam so‘radi (video)

“Mehridaryo” loyihasiga Farg‘ona viloyati Toshloq tumanida yashovchi er-xotin Rasuljon Abdullayev va Gulnora Yusupovalar murojaat qilib, saraton kasalligiga chalingan to‘ng‘ich o‘g‘li Muhammaddiyor Madolimovni davolatish uchun xalqdan yordam so‘radi.

— Uch nafar farzandimiz bor. To‘ng‘ich farzandimiz Muhammaddiyor 2010-yilda dunyoga kelgan. Bir yil avval unda saraton kasalligi aniqlandi. 2023-yilning iyun oyidan buyon farzandimizni Toshkentda davolatdik. Bir yil davomida kimyoterapiya muolajalarini oldi. Ammo bu muolajalar taʼsir qilmadi, shu bois shifokorlar Hindistonda jarrohlik amaliyotini o‘tkazishni maslahat beryapti. Bir yil ichida bor mablag‘imizni sarfladik. Chunki kimyoterapiya dori-darmonlari ham arzon turmaydi. 

Saxovatpesha insonlar, iltimos, o‘g‘lim sog‘ayib ketishi uchun yordam bering. Bir yildan buyon maktabga bormaydi, bemalol harakatlana olmaydi. Oyoqlari tinimsiz og‘riydi, bola bo‘lib o‘ynab-kulolmaydi. Kun sayin kasallik uni holdan toydiryapti, — deydi bemorning onasi Gulnora Yusupova.

Muhammaddiyor Madolimovga xayriya qilishni istasangiz,

5614 6821 2369 8492 Abdullayev Rasuljon (otasi)

Murojaat uchun: +998 99) 995-55-32