“Universal sug‘urta” kompaniyasining litsenziyasi 2-apreldan bekor qilindi. Bu haqda Istiqbolli loyihalar milliy agentligi matbuot xizmati xabar berdi.
Maʼlum qilinishicha, agentlik bu qarorni “Litsenziyalash, ruxsat berish va xabardor qilish tartib-taomillari to‘g‘risida”gi qonunning 33-moddasi va “Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizom”ning 49-bandiga muvofiq qabul qilgan.
“Universal sug‘urta” AJ umumiy sug‘urta sohasining 1, 2, 3, 4, 5, 6, 7, 8, 9, 10, 11, 12, 13, 14, 15, 16 va 17 klasslari bo‘yicha ixtiyoriy sug‘urta faoliyatini amalga oshirish bo‘yicha berilgan 2022-yil 7-iyuldagi 031932-sonli litsenziyasi 2-apreldan bekor qilindi.
Xabarga ko‘ra, kompaniya ilgari tuzilgan sug‘urta (qayta sug‘urta) shartnomalari bo‘yicha o‘z zimmasiga olgan majburiyatlarini belgilangan tartibda bajarishi shart.
Izoh (0)