“Универсал суғурта” компаниясининг лицензияси 2 апрелдан бекор қилинди. Бу ҳақда Истиқболли лойиҳалар миллий агентлиги матбуот хизмати хабар берди.
Маълум қилинишича, агентлик бу қарорни “Лицензиялаш, рухсат бериш ва хабардор қилиш тартиб-таомиллари тўғрисида”ги қонуннинг 33-моддаси ва “Махсус электрон тизим орқали айрим фаолият турларини лицензиялаш тартиби тўғрисидаги ягона низом”нинг 49-бандига мувофиқ қабул қилган.
“Универсал суғурта” АЖ умумий суғурта соҳасининг 1, 2, 3, 4, 5, 6, 7, 8, 9, 10, 11, 12, 13, 14, 15, 16 ва 17 класслари бўйича ихтиёрий суғурта фаолиятини амалга ошириш бўйича берилган 2022 йил 7 июлдаги 031932-сонли лицензияси 2 апрелдан бекор қилинди.
Хабарга кўра, компания илгари тузилган суғурта (қайта суғурта) шартномалари бўйича ўз зиммасига олган мажбуриятларини белгиланган тартибда бажариши шарт.
Изоҳ (0)