Farg‘ona viloyati Marg‘ilon shahridagi bankda soxta Milliy gvardiya xodimi qo‘lga tushdi. Bu haqda Milliy gvardiya axborot xizmati xabar berdi.
Unga ko‘ra, 2-aprel kuni soat 09:30 larda Marg‘ilon shahrida joylashgan “Biznesni rivojlantirish” bankida xizmat vazifasini o‘tayotgan qo‘riqlash bo‘limi xodimlarining sergakligi tufayli qo‘riqlash boshqarmasining dala kiyimida bank binosi ichida yurgan notanish shaxs qo‘lga olindi.
Olib borilgan dastlabki surishtiruv ishlari davomida, o‘zini qo‘riqlash xizmati xodimiman, deb yurgan ushbu shaxs aslida Marg‘ilon shahar “Yangi hayot” mahallasida yashovchi 20 yoshli fuqaro SH.X. ekani aniqlangan. Ushbu fuqaro Marg‘ilon shahar IIB masʼul xodimlariga topshirilib, harbiy kiyim-kechaklari va boshqa anjomlari olib qo‘yilgan.
Izoh (0)