Saudiya Arabistoni chempionatining 26-turidan o‘rin olgan “Al-Hilol” – “Al-Ohdud” uchrashuvi 2-aprel, seshanba kuni bo‘lib o‘tdi.
Uchrashuvga Ar-Riyod mezbonlik qildi. Uchrashuvda mezbonlar 3:0 hisobida g‘alaba qozondi va g‘alabalar seriyasini barcha turnirlardagi o‘yinlarni hisobga olgan holda 31 taga yetkazdi. Ushbu natija bilan ular jahondagi eng yaxshi natijani yangiladi.
Uchrashuvning 16-daqiqasida “Al-Hilol” hujumchisi Solih Al-Shehri jamoasini hisobda oldinga olib chiqdi. 66-daqiqada “Zenit” klubining sobiq futbolchisi braziliyalik Malkom mezbonlarning ustunligini oshirdi. Oradan bir necha daqiqa o‘tib yarim himoyachi Al Dossariy hisobni yiriklashtirdi.
Ushbu g‘alabadan so‘ng “Al-Hilol” 26 o‘yindan 74 ochko jamg‘arib, Saudiya Arabistoni futbol chempionati turnir jadvalining birinchi pog‘onasidagi o‘rnini mustahkamladi. “Al-Ohdud” klubi shuncha o‘yinda 24 ochko to‘plab 15-o‘rinda bormoqda.
Izoh (0)