Саудия Арабистони чемпионатининг 26-туридан ўрин олган “Ал-Ҳилол” – “Ал-Оҳдуд” учрашуви 2 апрель, сешанба куни бўлиб ўтди.
Учрашувга Ар-Риёд мезбонлик қилди. Учрашувда мезбонлар 3:0 ҳисобида ғалаба қозонди ва ғалабалар сериясини барча турнирлардаги ўйинларни ҳисобга олган ҳолда 31 тага етказди. Ушбу натижа билан улар жаҳондаги энг яхши натижани янгилади.
Учрашувнинг 16-дақиқасида “Ал-Ҳилол” ҳужумчиси Солиҳ Ал-Шеҳри жамоасини ҳисобда олдинга олиб чиқди. 66-дақиқада “Зенит” клубининг собиқ футболчиси бразилиялик Малком мезбонларнинг устунлигини оширди. Орадан бир неча дақиқа ўтиб ярим ҳимоячи Ал Доссарий ҳисобни йириклаштирди.
Ушбу ғалабадан сўнг “Ал-Ҳилол” 26 ўйиндан 74 очко жамғариб, Саудия Арабистони футбол чемпионати турнир жадвалининг биринчи поғонасидаги ўрнини мустаҳкамлади. “Ал-Оҳдуд” клуби шунча ўйинда 24 очко тўплаб 15-ўринда бормоқда.
Изоҳ (0)