Saudiya Arabistoni chempionatining 26-turidan o‘rin olgan navbatdagi uchrashuv seshanba, 2-aprel kuni bo‘lib o‘tdi. Unda “An-Nassr” safarda “Abha” mehmoni bo‘ldi.
Uchrashuvning 11-daqiqasida Krishtianu Ronaldu jarima zarbasidan gol urib, hisobni ochdi.
Oradan 10 daqiqa o‘tib, portugaliyalik futbolchi yana bir bor jarima zarbasini golga aylantirdi.
33-daqiqada Sadio Mane Ar-Riyod klubining uchinchi goliga mualliflik qildi. 42-daqiqada Ronaldu het-trikni rasmiylashtirdi, 44-daqiqada esa Sulayhim raqib darvozasini ishg‘ol qildi.
“An-Nassr” ikkinchi bo‘limda yana 3 marta darvozani aniq nishonga oldi. Bu safar Garib va Aliva (2 ta) o‘z nomlarini tabloga yozdirib qo‘ydi. Shu tariqa “An-Nassr” 8-0 hisobida g‘alaba qozondi.
Ushbu g‘alabadan so‘ng Ar-Riyod jamoasi ochkolari sonini 62 taga yetkazib, musobaqa jadvalida 2-o‘rinda bormoqda.
Saudiya Pro Ligasi
26-tur bahsi
2-aprel, seshanba
“Abha” — “An-Nassr” 0:8
Gollar: 0:1 – 11 Ronaldu, 0:2 – 21 Ronaldu, 0:3 – 33 Mane, 0:4 – 42 Ronaldu, 0:5 – 44 Al-Sulayhim, 0:6 – 51 Garib, 0:7 – 63 Al Aliva, 0:8 — 83 Al Aliva.
“Abha”: Teterushanu, Tisseran, Al-Saafi, Al-Zubaydi, Abu-Ayed (Al Qahtani, 37), Al Kunaydiri, Krixovyak (Bguir, 67), Matich, Al-Shammari (Jaber, 59), Al-Jumayya (Al-Kumayzi, 67), Kamano (Al Mutairi, 59).
“An-Nassr”: Ospina, Bushal, Laport, Al-Fatil, Telles (Al-Nahli, 65), Otavio, Al-Sulayhim (Al-Hassan, 58), Al-Naji, Mane (Al Aliva, 46), Garib (Aman, 69), Ronaldu (Al Nemer, 46).
Ogohlantirishlar: Al-Zubaydi (14), Krixovyak (29).
Izoh (0)