Qozog‘istonlik jurnalist Ualixon Kosanbay hamyurti bokschi Daniyar Eleusinov ringga qaytganini ma’lum qildi, deb xabar beradi Sports.kz.
“Menga kelgan ma’lumotlarga ko‘ra, Doniyor Eleusinov navbatdagi jangini 27-aprel kuni Olmaotada “IBA Champions Night” doirasida o‘tkazadi. Doniyorning raqibi O‘zbekiston vakili Saidjamshid Jafarov bo‘ladi. Jang 71 kilogrammgacha bo‘lgan vazn toifasida bo‘lib o‘tadi va o‘n raundga mo‘ljallangan”, — deb yozadi Kosanbay Facebook’dagi sahifasida.
Eleusinov Rio-2016 Olimpiadasi chempioni bo‘lib, o‘shanda final jangida o‘zbekistonlik Shahram G‘iyosovni hakamlarning bahsli qarori bilan mag‘lubiyatga uchratgan edi.
Eslatib o‘tamiz, Doniyor Eleusinov 2021-yilning dekabr oyida argentinalik Xuan Ernan Lealni mag‘lub etganidan buyon jang o‘tkazmagan.
O‘zbekistonlik Saijamshid Jafarov havaskorlar toifasida ishtirok etadi. U o‘tgan yili Toshkentda o‘tkazilgan jahon chempionatida kumush medalni qo‘lga kiritgan. Bundan tashqari bokschi ikki karra Osiyo chempioni bo‘lgan.
Izoh (0)