Toshkent vaqti bilan 29-mart tongida AQSHning Michigan shtati, Detroyt shahrida professional boks oqshomi tashkil etiladi.
DAZN tomonidan o‘tkazilayotgan ushbu oqshomning ikkinchi asosiy jangida super yengil vazn toifasida IBA kamari uchun sobiq da’vogar Shohjahon Ergashev Xuan Xuertasga qarshi ringga chiqadi.
Ma’lumot uchun, Xuan Xuertas faoliyati davomida 22 ta jang o‘tkazib, 17 g‘alaba, 4 mag‘lubiyat va 1 ta durang qayd etgan. G‘alabalarining 13 tasida raqiblarini muddatidan oldin taslim etgan.
Eslatib o‘tamiz, Shohjahon Ergashev o‘tgan yilning 26-noyabr kuni AQShda IBF chempioni Sabriel Matiasga qarshi jang qilib, imkoniyatni boy berib qo‘ygan edi. Bu uning faoliyatidagi yagona mag‘lubiyat bo‘lib turibdi.
Ushbu oqshomning markaziy jangida yarim og‘ir vazn toifasida kolumbiyalik bokschi Xuan Karrilyo (11-0-0) hamda amerikalik Kuinton Rankin (21-8-2) o‘zaro ringda to‘qnash keladi.
Xabarga ko‘ra, Ergashev Xuertasga qarshi jangga tayyorgarlikni katta qismini taniqli prof bokschi Temur Ibragimov qo‘l ostida o‘tkazgan.
Turnir kardi bilan tanishing:
Markaziy jang: Yarim og‘ir vaznda 10 raundlik jang. Xuan Karrilyo (11-0-0) — Kvintoni Rankin (21-8-2);
Super yengil vaznda 10 raundlik jang: Shohjahon Ergashev (23-1-0) — Xuan Xuertas (17-4-1);
Super o‘rta vaznda 10 raundlik jang: Vladimir Shishkin (15-0-0) — Mayk Gay (12-7-1);
Super o‘rta vaznda 8 raundlik jang: Nadim Sallum (12-1-0) — Uilyam Taunsel (6-1-0);
O‘rta vaznda 4 raundlik jang: Jozya Shaklford (1-0-0) — Antvion Makkollou (0-3-0).
Izoh (0)