Istat milliy statistika agentligi ma’lumotlariga ko‘ra, 2023-yilda Italiyada tug‘ilgan bolalar soni 3,6 foizga qisqardi va yangi tarixiy minimal darajaga yetdi.
O‘tgan yili Italiyada 379 ming nafar chaqaloq tug‘ilgan, ma’lumot uchun: 2022-yilda bu ko‘rsatkich 393 ming nafarni tashkil qilgandi. 2022-yilgi ko‘rsatkich 1861-yilda yagona Italiya davlati tashkil topganidan beri eng past ko‘rsatkich bo‘lgandi. 2023-yilda tarixiy minimum o‘zgardi.
Shu bilan birga, 2023-yilda bolalarning 13,3 foizi Italiyada yashovchi chet el fuqarolari tomonidan tug‘ilgan. O‘n yil oldin bu ulush 15 foiz edi.
Mamlakatda tug‘ilishning umumiy koeffitsiyenti (bir ayolga to‘g‘ri keladigan o‘rtacha bolalar soni) o‘tgan yili 1,24 dan 1,2 ga tushdi va 1995-yilda qayd etilgan tarixiy minimumni deyarli takrorladi.
Izoh (0)