Грузия Грецияни пенальтилар сериясида мағлуб этиб, ўз тарихида илк бор Европа Чемпионатида иштирок этиш ҳуқуқини қўлга киритди

Футбол бўйича Евро—2024 саралаши доирасида Грузия терма жамоаси Грецияга қарши баҳс олиб борди.

Учрашувнинг асосий дақиқалари 0:0 ҳисоби билан якунланди. Қўшимча бўлимларда ҳам дарвозалар ишғол этилмагач, ғолиб номи пенальтилар сериясида аниқланадиган бўлди.

Пенальтиларда эса 4:2 ҳисобида Грузия ғалаба қозонди ва Европа Чемпионатига йўл олди.

Қайд этиб ўтиш жоиз, Грузия ўз тарихида илк бор Европа Чемпионатида иштирок этиш ҳуқуқини қўлга киритди. Терма жамоа турнирнинг F гуруҳидан жой олади. Гуруҳда Грузиядан ташқари Туркия, Португалия ва Чехия терма жамоалари жой олган.

Евро—2024 саралаши

26 март, сешанба

Грузия – Греция 0:0 (4:2)

Грузия: Мамардашвили, Какабадзе, Кашия, Кверквелия, Двали, Китейшвили (Квеквескири, 104), Кочорашвили, Чакветадзе (Давиташвили, 104), Кварасхелия (Квилитая, 109), Зивзивадзе (Микаутадзе, 74), Шенгелия (Ситаишвили, 86).

Греция: Влаҳодимос, Болдок (Рота, 60), Ҳасидякос (Ресос, 105), Мавропанос, Симикас, Бакасетас, Манталос (Буҳалакис, 99), Курбелис (Сиопис, 67), Пелкас (Константелиас, 61), Масурас, Иоаннидис (Якумакис, 90).

Огоҳлантиришлар: Болдок (6), Ҳасидякос (35), Зивзивадзе (42), Мавропанос (44), Кверквелия (50), Константелиас (90), Рота (90+3).

Четлатиш: Лория (45+3).