Pop qiroli Maykl Jekson 2009-yil 25-iyun kuni 50 yoshida vafot etdi. Afsonaviy qo‘shiqchining o‘lim sababi hanuz noma’lum. Ba’zi taxminlarga ko‘ra, u propofolning me’yoridan ortiq dozasi tufayli jon bergan. Inyeksiyaning noto‘g‘ri dozasini Jeksonning shaxsiy kardiologi yuborgan.
Maykl Jekson vafotidan so‘ng uning rasmiy va yagona merosxo‘ri — qo‘shiqchining onasi Ketrin Jekson edi. Buni san’atkor shaxsan vasiyat qilib qoldirgan. Uning uch nafar farzandi esa 30 yoshga to‘lgandan keyingina merosdan mustaqil ravishda foydalanish huquqiga ega. People Talk nashrining xabar berishicha, Maykl Jeksonning mulki uchun kurash hamon davom etmoqda.
Ketrin Jekson 2009-yilda Mayklning o‘limidan so‘ng katta miqdorda meros va turli to‘lovlarni olgan. U 15 yil ichida jami 55 million dollardan ortiq mablag‘ga ega bo‘lgan.
Maykl Jekson haqidagi biopik film tez orada muxlislarga havola etiladi, unda bosh rolni qo‘shiqchining jiyani Jaafar Jekson ijro etadi. Film namoyishi 2025-yil 18-aprelda bo‘lishi kutilmoqda. Film prodyuseri Grem King, ssenariy muallifi esa Jon Logandir. Film rejissyor Antuan Fukua (“Adolat tarafdori”, “Ajoyib yettilik”) tomonidan suratga olinadi.
Izoh (0)