Aktirsa Kemeron Dias va uning turmush o‘rtog‘i Benjamin Medden muxlislari bilan ajoyib yangilikni bo‘lishdi. Harper’s Bazaar nashrining xabar berishicha, yulduzlar oilasida ikkinchi farzand dunyoga keldi.
Besh yoshli Reddiks ismli qizining tarbiyasi bilan band Kemeron va Benjamin 23-mart kuni o‘g‘il farzandli bo‘lganini Instagram sahifasida e’lon qildi:
Biz o‘g‘limiz Kardinal Meddenning dunyoga kelganini e’lon qilishdan g‘oyat mamnunmiz! Farzandimiz hayotining xavfsizligini ta’minlash maqsadida hech qanday fotosuratini joylashtirmaymiz. Aytish joizki, u juda ham yoqimtoy bola! Oilamiz nomidan barchaga cheksiz muhabbat va ezgulik tilaymiz!, — deb yozadi Kemeron.
Ijtimoiy tarmoqlardagi so‘nggi rasmlarga ko‘ra 51 yoshli aktrisa homilador bo‘lmaganini hisobga olsak, katta ehtimol bilan u surrogat onalikni tanlagan, deb taxmin qilinmoqda.
Avvalroq aktrisa jurnalistlarga bergan intervyusida onalik uning hayotini tubdan o‘zgartirgani va haqiqiy baxt hissini farzandli bo‘lgach his eta boshlagani haqida so‘zlab bergan edi.
Qiziqarlisi, Kemeron Gollivud olamida eng mashhur chayldfri (farzandli bo‘lishni istamaydigan) aktrisalardan biri bo‘lgan. Yillar o‘tib u o‘z fikrini o‘zgartirdi. Hozirda Dias rejissyorlarning ekranga qaytish taklifini hech qanday shubhasiz rad etib kelmoqda.
Izoh (0)