Maykl Jekson haqida biografik film suratga olinadi. Film namoyishi 2025-yilning 18-apreliga rejalashtirilgan.
Bosh rolni xonandaning jiyani Jaafar Jekson ijro etadi. Suratga olish jarayonlari joriy yilning 22-yanvar sanasidan boshlanadi. Film nomi “Jekson” bo‘lishi kutilmoqda.
Unda pop qiroliga aylangan ajoyib, ammo murakkab insonning taʼsirchan va samimiy portreti tasvirlanadi.
Kartinada rejissor Antuan Fukua (“Mening ismim Muhammad Ali”, “O‘qdan tez”, “Mashg‘ulot kuni”), ssenarist Jon Logan (“007: Skayfoll koordinatalari”, “Aviator”) va prodyusser Grem King (“Bogemiya rapsodiyasi”) kabi yirik loyihalarda ishtirok etgan ijodkorlar birgalikda ishlaydi.
Bundan tashqari, Maykl Jeksonning merosxo‘rlari Jon Brank va Jon Makkleyn ham filmda prodyusser sifatida ishtirok etadi. Ular Jeksonning bolalarga nisbatan jinsiy zo‘ravonlik ayblovlari qanday tasvirlanishini kuzatib boradi.
Maykl Jekson 2009-yil 50 yoshida vafot etgan. U hayoti davomida va o‘limidan keyin ham bolalarga nisbatdan zo‘ravonlikda ayblanib kelinayotgan edi. 2019-yilda HBO telekanali munozarali “Leaving Neverland” hujjatli filmini chiqardi, unda xoreograf Ueyd Robson va aktyor Jeyms Seyfchak Jekson ularga jinsiy tajovuz qilganini aytadi. 2023-yilda AQSH sudi daʼvolarni qayta ko‘rib chiqqan.
Izoh (0)