Kanada 2035-yilga kelib mamlakatdagi barcha avtomobillarni elektromobilga almashtirmoqchi. Talablarga ko‘ra, 2026-yilda mamlakatda yangi avtomobillar sotuvining kamida 20 foizi elektr, vodorod va tokka ulanadigan elektr transport vositalariga to‘g‘ri kelishi kerak.
2030-yilga kelib bu foiz 60 foizga, 2035-yilda esa 100 foizga oshadi. Avtomobil ishlab chiqaruvchilari va distribyutorlari ushbu foizlarni kafolatlashlari kerak.
Ushbu harakat qazib olinadigan yoqilg‘ida ishlaydigan transport vositalarini bosqichma-bosqich to‘xtatishga qaratilgan.
Avtomobil ishlab chiqaruvchilari sotilgan elektromobillar soniga qarab kreditlar bilan rag‘batlantiriladi, eng ekologik toza avtomobillar esa ko‘proq kredit oladi. Kompaniyalar, shuningdek, yangi qoidalar 2026-yilda kuchga kirgunga qadar, zaryadlash infratuzilmani yaratish va ko‘proq elektr transport vositalarini joriy etishga sarmoya kiritish uchun kredit olishlari mumkin.
Kuni kecha AQSH benzinda yuradigan avtomobillar uchun zararli chiqindi gazlar bo‘yicha standartlarni qat’iylashtirdi.
Yangi standartlar 2027–2032-yillarda ishlab chiqariladigan yengil va tijorat transport vositalariga (yuk mashinalari bundan mustasno) nisbatan qo‘llaniladi. Amaldagi standart bilan solishtirganda, yengil avtomobillar uchun ruxsat etilgan chiqindilar 2026-yilda 50 foizga, o‘rta yuk avtomobillari uchun esa 44 foizga kamayadi.
IEA ma’lumotlariga ko‘ra, 2022 yilda dunyo bo‘ylab yo‘llarda 26 million elektr transport vositasi bo‘lgan, bu 2021 yilga nisbatan 60 foizga ko‘p. Bu elektr transport vositalariga yuqori talabdan dalolat beradi, bu ham xaridorlar, ham ishlab chiqaruvchilar uchun barcha turdagi subsidiyalar va imtiyozlar bilan bog‘liq.
Yirik avtomobil ishlab chiqaruvchilar allaqachon ichki yonuv dvigatelli transport vositalarini bosqichma-bosqich tugatishni rejalashtirmoqda. Mazkur choralar natijasida 2035-yilgacha 430 million tonna issiqxona gazlari atrofga tarqalishining oldi olinishi kutilmoqda.
Izoh (0)