Rossiya Federal xavfsizlik xizmati direktori Aleksandr Bortnikov Crocus City Hallʼdagi terakt Rossiyadagi vaziyatni beqarorlashtirish uchun qilinganini maʼlum qildi. Bu haqda “TASS” nashri maʼlum qildi.
“Qayiqni silkitish, jamiyatda vahima qo‘zg‘ash! Jang chizig‘i bo‘ylab nima bo‘layotganini ko‘rib turibsiz. Ukrainaning qarshi hujumi muvaffaqiyatsizlikka uchradi va ular o‘zlarining qadr-qimmatini ko‘rsatish uchun nimadir qilishlari kerak edi”, — degan Bortnikov jurnalistlarga.
U, shuningdek, Donbass va Belgorod viloyati Ukraina hujumlarining markaz nuqtalari ekanligini taʼkidladi. Hozirda Rossiya kuchlari Ukraina qurolli kuchlarini Donbassdan uzoqroqqa siqib chiqarayotganini maʼlum qildi.
Maʼlumot o‘rnida, 22-mart kuni kechki payt Moskva viloyatining Krasnogorsk shahridagi Crocus City Hall musiqa majmuasida terakt sodir etildi. Rossiya Tergov qo‘mitasi maʼlumotlariga ko‘ra, hozirda halok bo‘lganlar soni 139 nafarni tashkil etadi, biroq bu raqamlar ortishi mumkin. Moskva viloyati sog‘liqni saqlash vazirligi 182 kishi jarohatlanganini maʼlum qilgan.
Teraktga aloqadorlikda gumon qilingan 11 kishi, jumladan, Moskva janubi-g‘arbidagi Bryansk viloyatida Ukraina chegarasini kesib o‘tib, boshpana izlashga uringan to‘rt nafar qurolli shaxs qo‘lga olingani xabar qilingan.
Izoh (0)