Polsha ukrainalik askarlarni tayyorlash bo‘yicha yetakchi hisoblanadi, dedi Polsha bosh vaziri o‘rinbosari, milliy mudofaa vaziri Vladislav Kosiniyak-Kamish Kosovodagi Polsha harbiy kontingentiga tashrifi chog‘ida.
“Polsha ukrainalik askarlarni tayyorlash bo‘yicha yetakchi hisoblanadi. Bu yil deyarli 20 ming nafar ukrainalik harbiy tayyorgarlikdan o‘tdi. Barcha mashg‘ulot o‘tagan askarlarning uchdan bir qismi Polsha qurolli kuchlari tomonidan tayyorlangan askarlardir”, — dedi Polsha vaziri.
Avvalroq Rossiya Ukrainaga qurol yetkazib berish yuzasidan NATO davlatlariga nota yuborgan edi. Rossiya tashqi ishlar vaziri Sergey Lavrov Ukraina uchun qurol bo‘lgan har qanday yuk Rossiya uchun qonuniy nishonga aylanishini ta’kidladi.
Rossiya Tashqi ishlar vazirligi NATO davlatlari Ukrainaga qurol yetkazib berish orqali “o‘t bilan o‘ynashmoqda” deb ta’kidladi. Kremlning ta’kidlashicha, Ukrainani G‘arb qurollari bilan to‘ldirish Rossiya-Ukraina muzokaralariga salbiy ta’sir ko‘rsatadi.
Lavrov, shuningdek, AQSH va NATO Ukrainadagi mojaroda bevosita ishtirok etishini, jumladan, nafaqat qurol-yarog‘ yetkazib berish, balki Buyuk Britaniya, Germaniya, Italiya va boshqa mamlakatlarda kadrlar tayyorlash bilan ham shug‘ullanayotganini ta’kidlagandi.
Izoh (0)