Tailand militaristik boshqaruvdagi Myanmaga dislokatsiya qilingan fuqarolarning ehtiyojlarini qondirish uchun insonparvarlik yordamining birinchi partiyasini yubordi. Bu haqda Anadolu nashri xabar berdi.
Xabarga ko‘ra, guruch, quritilgan oziq-ovqat va boshqa zarur narsalar solingan 4000 dan ortiq yordam qoplari Myanma Qizil xoch jamiyatiga topshirilgan. Yuklarni tez va shikastsiz yetkazib berish bo‘yicha ko‘rsatmalar berilgan.
Yordam jo‘natish borasida Tailand hukumati 25-mart kuni bayonot eʼlon qilgan. Tailand Qizil xoch tashkiloti Tak provinsiyasi Mae Sot shahrida o‘tkazilgan marosimda gumanitar jo‘natma hajmi haqidagi maʼlumotlarni oshkor qilgan. Yuklar 20 ming nafar fuqaroga mo‘ljallangani aytilgan.
“Ushbu gumanitar yordamning topshirilishi Tailand va Myanma o‘rtasidagi ko‘chirilgan odamlarning ehtiyojlarini qondirish uchun ikki tomonlama tashabbusdir. Myanmaning yaqin qo‘shnisi sifatida Tailand mojarodan jabrlangan odamlarga yordam berish uchun qo‘lidan kelgan barcha ishni qilishga qatʼiy tayyorligini maʼlum qiladi”, — deyiladi Tailand tomoni bergan bayonotda.
Maʼlumot o‘rnida, Myanmada 2023-yil oktyabr oyidan beri harbiylar va qurolli muxolifat guruhlari o‘rtasidagi janglar davom etmoqda. BMT agentliklariga ko‘ra, urush davom etayotgan mamlakatda 2,8 milliondan ortiq odam o‘z uyini tashlab ketgan, kamida 18 million kishi esa gumanitar yordamga muhtoj.
Izoh (0)