Soliq organlarida 2024-yil 1-mart holatiga 337 ming 477 ta ko‘chmas mulk ijara shartnomasi hisobga qo‘yildi. Bu haqda Soliq qo‘mitasi matbuot xizmati xabar berdi.
Maʼlum qilinishicha, jismoniy shaxslar o‘rtasida tuzilgan 253,1 mingta ijara shartnomasi asosida 56,9 mlrd so‘m daromad solig‘i hisoblanib, o‘tgan yilning mos davriga nisbatan ijara shartnomalari soni 10,7 foiz va hisoblangan daromad solig‘i summasi 33,2 foizga oshgan.
Shuningdek, yuridik shaxslar o‘rtasida tuzilgan 84,4 mingdan ortiq ijara shartnomasi asosida 31,9 mlrd so‘m soliq hisoblanib, o‘tgan yilning mos davriga nisbatan ijara shartnomalari soni 7,2 foiz va hisoblangan soliq summasi 46,7 foizga oshgan.
Talabalar bilan 66,8 mingta ijara shartnomasi tuzilgan. Ijarada turuvchi talabalar soni 104,1 ming nafarni tashkil etdi.
Soliq to‘lovchining uy-joylarni talabalarga ijaraga berishdan olgan daromadlari soliqdan ozod etilgan. Ularga daromad solig‘idan 13 mlrd so‘m imtiyoz qo‘llanilgan.
Izoh (0)