Toshkent viloyatida “Mahalla yettiligi” tarkibiga kiruvchi rais, hokim yordamchisi, xotin-qizlar faoli, yoshlar yetakchisi, profilaktika inspektori, ijtimoiy xodim va soliq inspektorining ishga kelib-ketishi bo‘yicha davomat (tabel) yuritiladi. Bu haqdagi tegishli qaror viloyat hokimi tomonidan imzolangan.
Maʼlum qilinishicha, “Mahalla yettiligi” aʼzolari mehnatiga mahalla fuqarolar yig‘ini raisi tomonidan to‘ldirilgan tabel asosida ishga kelgan kunini hisoblab, haq to‘lanadi.
Shuningdek, “Yettilik” faoliyatini samarali tashkil etish maqsadida “Mahalla yettiligi” to‘g‘risidagi namunaviy nizom asosida fuqarolarning o‘zini o‘zi boshqarish organlari tomonidan tegishli nizomlar ishlab chiqilishi belgilandi.
Izoh (0)