Ijtimoiy tarmoqlarda Andijonda yong‘in sodir bo‘lgani aytilgan xabarlar tarqaldi. Holat yuzasidan Andijon viloyati hokimligi matbuot xizmati munosabat bildirdi.
Maʼlum qilinishicha, bugun, 24-mart kuni soat 16:40 da Andijon shahrida joylashgan “O‘zbekiston” mahallasida yong‘in sodir bo‘layotgani to‘g‘risida FVBga xabar kelib tushgan.
Shunga ko‘ra, 4 ta yong‘in-qutqaruv ekipaji soat 16:44 da hodisa joyiga yetib borgan. Soat 16:51 da yong‘in o‘rab olindi va soat 17:25 da batamom o‘chirilgan.
Maʼlum bo‘lishicha, mahallaning “To‘kayev” ko‘chasida joylashgan 20-A uyning tom shift qismida 80 kv metr maydoni, uy jihozlari hamda qo‘shni 20-uyning 40 kv metr maydonda shift tom qismi yongan.
Yong‘inda uylarning 500 kv metr maydoni saqlab qolingan.
Yong‘in oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.
Izoh (0)