Ижтимоий тармоқларда Андижонда ёнғин содир бўлгани айтилган хабарлар тарқалди. Ҳолат юзасидан Андижон вилояти ҳокимлиги матбуот хизмати муносабат билдирди.
Маълум қилинишича, бугун, 24 март куни соат 16:40 да Андижон шаҳрида жойлашган “Ўзбекистон” маҳалласида ёнғин содир бўлаётгани тўғрисида ФВБга хабар келиб тушган.
Шунга кўра, 4 та ёнғин-қутқарув экипажи соат 16:44 да ҳодиса жойига етиб борган. Соат 16:51 да ёнғин ўраб олинди ва соат 17:25 да батамом ўчирилган.
Маълум бўлишича, маҳалланинг “Тўкаев” кўчасида жойлашган 20-А уйнинг том шифт қисмида 80 кв метр майдони, уй жиҳозлари ҳамда қўшни 20-уйнинг 40 кв метр майдонда шифт том қисми ёнган.
Ёнғинда уйларнинг 500 кв метр майдони сақлаб қолинган.
Ёнғин оқибатида тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда.
Изоҳ (0)