Isroil bosh vaziri Binyamin Netanyaxu 11-mart kuni jurnalistlarga bergan intervyusida AQSH prezidenti Jo Bayden bilan HAMASni yo‘q qilish borasida kelishib olganini, ayni paytda bundan boshqa muqobil yo‘q yo‘q ekanini maʼlum qildi. Bu haqda CNN nashri xabar berdi.
Isroil yetakchisining maʼlum qilishicha, Isroil birinchi navbatda tinch aholining Rafahdan xavfsiz chiqib ketishini taʼminlashga harakat qilmoqda. HAMAS askarlari oddiy aholidan ajratib olinmas ekan, guruhni yengish qiyin bo‘ladi.
Hozirda Rafah hududida 1,5 million falastinlik to‘plangan. Isroil mudofaa kuchlari so‘nggi haftada hududga hujumlarni kuchaytirdi. BMT qurbonlar ortishi xavfidan ogohlantirganiga qaramay, harbiy harakatlar to‘xtamadi.
Izoh (0)