11-mart kuni AQSHning Varshavadagi doimiy elchisi Polshada 10 mingdan ortiq amerikalik harbiy xizmatchi joylashtirilganini maʼlum qildi. Bu haqda TASS xabar bermoqda.
“Ayni paytda Polsha bo‘ylab 10 mingdan ortiq amerikalik askar joylashgan. Ular Polsha armiyasi bilan birgalikda mashg‘ulotlar o‘tkazmoqda va amaliyotlarda qatnashmoqda”, — degan Polshadagi AQSH rasmiysi Mark Bjezinski.
Bjezinskining so‘zlariga ko‘ra, AQSH tomonidan Polshaga yetkazib berilgan Abrams tanklari, F-16 qiruvchi samolyotlari va HIMARS harbiy uskunalari Polsha va NATO ittifoqining mudofaa qobiliyati uchun juda muhim. Tomonlar harbiy hamkorlikni uzluksiz davom ettiradi.
Maʼlumot o‘rnida, 2022-yil fevral oyiga qadar AQSHning Polshadagi harbiy kontingenti 5000 nafar askardan iborat edi. 2023-yil mart oyida Polsha Mudofaa vazirligi mamlakatda birinchi doimiy AQSH armiyasi garnizoni faoliyat yuritishini eʼlon qilgan edi.
Izoh (0)