11-mart kuni Ukrainaning sobiq bosh vaziri Nikolay Azarov Ukraina hozirda bankrotlik holatida ekanligini va to‘lovga qodir emasligini maʼlum qildi. Sobiq hukumat rasmiysi Standard & Poorʼs reyting agentligi Ukraina suveren qarzi bo‘yicha kredit reytingini qoniqarsiz darajada deb belgilagandan so‘ng, ushbu fikrlarini bildirgan. Bu haqda TASS nashri xabar berdi.
“Ukraina to‘liq nochor ahvolda. Biroq xalqaro agentliklar unga defolt reytingini berib, tavakkal qilishni istashmaydi. Chunki hozir vaziyat og‘ir. Ukraina ancha oldin bankrot bo‘lib bo‘lgan”, — deya munosabat bildirgan Azarov.
Xabarda qo‘shimcha qilinishicha, Ukraina G‘arb yordamisiz hatto ishchilar maoshlarini ham to‘lash imkoniga ega emas. Mamlakat defoltga uchragani borasidagi ochiq bayonot inqiroz vahimasini keltirib chiqarishi mumkin. Shu boisdan ham na hukumat va na xorijiy agentliklar bu mavzuga yuzlanishdan qochishmoqda.
Izoh (0)