Futbol bo‘yicha Osiyo Chempionlar Ligasining nimchorak final bahsida Namanganning “Navbahor” jamoasi Saudiya Arabistonining “Al-Ittihod” klubiga qarshi maydonga tushdi.
90 daqiqa davomida darvozalar ishg‘ol etilmadi va o‘yin 0:0 hisobi bilan yakunlandi.
Ushbu bahsni stadionda 22 mingdan ortiq muxlis kuzatib bordi. Ular orasida “Al-Ittihod” yulduzlari nomi aks etgan plakatlarni ko‘tarib olganlari ham bor edi. Maydonni tark etayotgan Fabinyo minnatdorlik ramzi sifatida ular tomon libosini uloqtirdi.
Endi g‘olib nomi Saudiyada bo‘lib o‘tadigan uchrashuvda aniqlanadi. Jamoalar bir haftadan so‘ng, 22-fevral sanasida javob o‘yinida ishtirok etadi.
“Daryo” muxbirlari “Navbahor”ning “Al-Ittihod”ga qarshi o‘yinida qatnashib, eng yorqin lahzalardan iborat fotogalereyani tayyorladi.
Izoh (0)