Meksikaning “Xuares” klubi hujumchisi Diego Chaves 28 yoshida avtohalokatga uchrab vafot etdi. Daily Mail nashrining yozishicha, Chaves avtomashinasining boshqaruvini yo‘qotib, ustunga borib urilgan.
“Chuqur qayg‘u bilan ma’lum qilamizki, futbolchimiz Diego Chaves 14-fevral kuni erta tongda avtohalokatda vafot etdi.
“Xuares”dagi faoliyati davomida Chaves o'zining xushchaqchaqligi, soddaligi va doimo mashg‘ulotlarga tayyorligi, shuningdek, bizning klubga sodiqligi bilan ajralib turar edi.
Futbolchilar, xodimlarimiz, direktor va barcha klubga aloqador shaxslar ushbu voqeadan chuqur qayg‘udamiz, chunki bugun biz oilamiz a’zosi bilan xayrlashishga majburmiz”, — deyiladi klub matbuot xizmati xabarida.
28 yoshli futbolchi 2016-2017 yillarda “Xuares”da o'ynagan. 2023-yilning fevralida Chaves yana klubga qaytdi. U oxirgi marta 29-yanvar kuni maydonga tushgan.
Izoh (0)